Թուրքական Milliyet թերթի փոխանցմամբ, թուրք ազգայնականների մոտ խոր դժգոհություն է առաջացրել «Սթար» թերթի լրագրող էրգյուն Բաբահանի «Փշաքաղություն առաջացնող բամբասանքներ ու լուրեր» խորագրով հոդվածը, որը նվիրված էր թուրք ազգայնականների վերնախավի սեռական արկածներին:
«Ազգայնական շարժում» կուսակցության (ԱՇԿ) դրոշներով զինված շուրջ 100 թուրք ազգայնականներ երեկ ժամը 22.00-ին հավաքվել են Ստամբուլում գտնվող թերթի խմբագրատան մոտ և սկսել են քարկոծել այն: Բացի այդ, նրանք ձվեր են նետել խմբագրության ուղղությամբ և սև ծաղկեպսակներ դրել նրա առջև: Գործին ստիպված է եղել միջամտել ոստիկանությունը` ձերբակալելով 5 ազգայնականի:
Հիշեցնենք, որ թուրք ազգայնականների վերնախավի սեռական արկածները լուրջ վտանգի տակ են դրել հունիսի 12-ին կայանալիք խորհրդարանական ընտրություններում ԱՇԿ-ի կողմից 10 տոկոսանոց նախընտրական շեմը հաղթահարելու հանգամանքը, ինչը նրան հնարավորություն կընձեռեր գոյատևելու թուրքական խորհրդարանում:
