Ինչպես հաղորդում է Komonews ամերիկյան հեռուստաալիքը, 15-ամյա ամերիկուհին նետահարել է հորը՝ վիրավորելով նրան մեջքից այն բանից հետո, երբ վերջինս դստեր ձեռքից խլել է նրա բջջային հեռախոսը:
Միջադեպը տեղի է ունեցել Վաշինգտոն նահանգում գտնվող Թահուա քաղաքում: Տղամարդը ծանր վիրավորվել է, սակայն դուստրը նրան թույլ չի տվել շտապ օգնություն զանգել, և վիրավոր հայրը ստիպված սողալով հասել է հարևանների տուն: Հիմա 35-ամյա տղամարդու առողջական վիճակը ծանր է գնահատվում:
Աղջիկը փախել է տնից` վերցնելով աղեղը և մոտ 30 նետ, սակայն շուտով առանց դիմադրության հանձնվել է հատուկջոկատայիններին: Նշվում է, որ երբ նետաձիգին հասցրել են ոստիկանություն, պարզվել է, որ նա հիվանդ է, սակայն հիվանդության բնույթը չի նշվում: