Մոսուլի վրա իրաքյան անվտանգության ուժերի ու բանակի հարձակմանը խոչընդոտելու համար ԴԱԻՇ ահաբեկչական խմբավորման գրոհայիններն ակտիվորեն գործի են դրել ականապատված ավտոմեքենաներ, մահապարտ ահաբեկիչներ և դիպուկահարներ։ Այս մասին հայտնում է Associated Press գործակալությունը։
Հատուկջոկատայիններին արդեն հաջողվել է վնասազերծել առնվազն 6 ականապատված մեքենա։
Գործակալության աղբյուրը հայտնել է, որ գրոհայինները տնից տուն են անցնում՝ տեղակայելով այնտեղ դիպուկահարների ու ականանետողների խմբեր՝ կանգնեցնելու հարձակման զարգացումը։
Նրա խոսքով՝ Իրաքի դաշնային ոստիկանության ուժերը մոտենում են քաղաքի կառավարական շենքերի շրջանին։
