Առողջապահության համաշխարհային կազմակերպության տվյալներով՝ ամբողջ աշխարհը հոկտեմբերից մինչև մայիս գտնվում է սուր շնչառական վարակների սեզոնում: 2017թ. այս սեզոնը ավելի մեղմ է եղել, քան նախորդ տարվա այս ժամանակահատվածը: Եվրոպական տարածաշրջանի երկրներում շրջանառվել է «հոնկոնգյան գրիպը», որը մեղմ շնչառական վիրուս է: Այս մասին «Առաջին լրատվական»- ի հետ զրույցում ասաց ՀՀ ԱՆ «Հիվանդությունների վերհսկման և կանխարգելման ազգային կենտրոն»-ի հատուկ վտանգավոր օդակաթիլային վարակների բաժնի պետ Լիանա Թորոսյանը:
Նրա խոսքով՝ Հայաստանի Հանրապետությունում գրիպի և սուր շնչառական վարակների որոշակի ակտիվացում է նկատվում: Հայաստանում շնչառական վարակների սեզոնը ունենում է երկու պիկ՝ առաջինը դիտվում է աշնան վերջին ամսվա ընթացքում, երկրորդը՝ փետրվարին: Այս օրերին արձանագրվում են շնչառական վիրուսներ, որոնց նկատմամբ ավելի խոոցելի են մանկակահասակ երեխաները:
Մասնագետը զգոնության կոչ արեց և հորդորեց եղանակին համապատասխան հագնվել, պահպանել հազի, փռշտալու վարվելակարգը: Նա նաև հորդորեց շնչառական վարակներով հիվանդ երեխաներին չուղարկել մանկապարտեզ և դպրոց:
Մանրամասները՝ տեսանյութում:
