Լոնդոնի «Չելսի»-ի գլխավոր մարզիչ Ժոզե Մոուրինյոն մեկնաբանել է Անգլիայի Պրեմիեր Լիգայի երկրորդ տուրի շրջանակներում «Մանչեսթեր Յունայթեդ»-ի դեմ կայացած հանդիպումը որը, ինչպես արդեն տեղեկացրել ենք, ավարտվել է ոչ-ոքի՝ 0:0 հաշվով:
«Կարծում եմ՝ այս խաղում ոչ ոք արժանի չէր ո՛չ հաղթանակի, ո՛չ պարտության: Բոլորը ցանկանում էին առավելության հասնել, բայց շատ ուշադիր էին գործում պաշտպանությունում;
Երկրպագուների համար, իհարկե, ցանկալի կլիներ գոլեր տեսնել, բայց սա հիանալի տակտիկական հանդիպում էր: Կարծում եմ՝ շատ կարևոր միավոր վաստակեցինք: Ես փոքր-ինչ տխրել եմ, քանի որ մենք որոշ սխալներ էին թույլ տալիս պարզ իրադրություններում:
Երբ անհրաժեշտ էր արագ հակագրոհներ ձեռնարկել, մենք ժամանակ էինք կորցնում անհարկի փոխանցումների վրա: Մրցակիցը ևս դժգոհ էր մեր խաղաոճից»,- հայտարարել է Մոուրինյոն:
