ՀՀ կառավարությունը բարեգործի դիմակով մի ձեռքով տալիս է, մյուսով՝ վերցնում:
Այս մասին այսօրվա համարում գրում է «168 ժամ» պարբերականը և հավելում.
«Այսինքն՝ երբ կառավարությունը որոշեց, որ պետք է պետական ծառայողներին սոցիալական փաթեթ տրամադրի, դա ներկայացվեց որպես իշխանավորների մտահոգություն՝ հայրենի քաղաքացիների բարեկեցությամբ: Մինչդեռ, սոցիալական փաթեթի միայն հանգստի համար հատկացվող գումարներից կառավարությունն աշխատում է 3 մլրդ 360 մլն դրամ: Վատ չէ, չէ՞: Պարզաբանենք, թե ինչպես. 2013 թ. սոցիալական փաթեթից օգտվողների շրջանակն ընդլայնվեց 30 հազարով, և նախորդ տարվա 180 հազարի փոխարեն այս տարի սոցփաթեթ տրամադրվում է 210 հազար քաղաքացու: Սոցփաթեթի ընդհանուր գումարից 80 հազար դրամն ուղղվում է յուրաքանչյուր քաղաքացու հանգստի կազմակերպմանը: Բայց (հարցի ամբողջ մեխն այստեղ է) այդ գումարից գանձվում է 20% ավելացված արժեքի հարկ, և եթե քաղաքացին այդ գումարով կարող էր հանգստանալ ասենք 4 օր, փաստացի հանգստանում է 3 օր»:
Հոդվածն ամբողջությամբ՝ կարդացեք «168 ժամ»-ի այսօրվա համարում:
