Грузия Online-ի փոխանցմամբ, Վրաստանի նախագահ Միխեիլ Սաակաշվիլին, Թբիլիսիի Ռուսթավելի պողոտայում ընդունելով Վրաստանի անկախությանը նվիրված ռազմական շքերթը՝ հայտարարել է.
«Դրսում գրված սցենարի համաձայն՝ Վրաստանում փորձում էին խափանել այս շքերթը, անկարգություններ հրահրել և ապակայունացնել վիճակը: Բոլոր քաղաքացիներն ազատ արտահայտվելու իրավունք ունեն, սակայն վերջին օրերին Թբիլիսիում տեղի ունեցած դեպքերը որևէ կապ չունեն դրա հետ:
Նրանք ցանկանում էին ոչ թե խոսքի ազատություն, այլ բռնություն և զոհեր: Երբ երեկ երեկոյան նրանք չհասան իրենց նպատակին և չունեցան անհրաժեշտ զոհեր, նրանց առաջնորդներն իրենց ավտոմեքենաներով վրաերթի ենթարկեցին երկու անձանց:
Մենք պետք է մշտապես զգոն լինենք, որպեսզի պատրաստ լինենք մեր երկրից դուրս հնարվող այդ սադրանքներին: Վրաստանը չի նահանջի, նա այսուհետ նույնպես պաշտպանելու է իր ազատությունն ու անկախությունը՝ արտաքին ոտնձգություններից:
Վրաստանի անկախությունը չի պատկանում նախագահին, խորհրդարանին կամ առանձին կուսակցությանը: Այն ողջ վրաց ժողովրդինն է: Ես քաջ գիտեմ, թե նրանք ինչի համար են ձեռնարկել այս ամենը»:
Շքերթի մասնակցիները մեկ րոպե լռությամբ հարգել են Վրաստանի տարածքային ամբողջականության համար և մարտական ծառայության ժամանակ զոհված իրենց բոլոր հայրենակիցների հիշատակը: