Այսօր «Անի Պլազա» հյուրանոցային համալիրի սենյակներից մեկում երիտասարդի դի է հայտնաբերվել:
«Փաստինֆո»–ի տեղեկություններով՝ 23-ամյա երիտասարդի դաստակները վնասված են եղել, և երբ նրան հայտնաբերել են, նա եղել է բերանքսիվայր վիճակում ընկած: Արյան հետքեր են հայտնաբերվել նաև սանհանգույցում: Դեպքի վերաբերյալ «Փաստինֆո»-ի տեղեկությունը հաստատեցին նաև Քննչական կոմիտեից՝ հավելելով, որ հայտնաբերված դիակի ինքնությունը պարզվել է, երիտասարդը ՌԴ քաղաքացի է, ազգությամբ՝ վրացի:
ՔԿ-ից նաև տեղեկացրել են, որ քննություն է տարվում՝ երիտասարդի մահվան հանգամանքները պարզելու ուղղությամբ:
Կայքի տեղեկություններով՝ մահացած երիտասարդի դեմ օրերս բողոք էր ներկայացրել նրա ծանոթ մեկ այլ երիտասարդ՝ մեղադրելով իր կամքից անկախ իր հետ սեռական հարաբերություն ունենալու և դրանց վերաբերյալ լուսանկարները համացանցում տեղադրելու մեջ։
Լուսանկարը՝ Shamshyan.com-ի