Հունաստանի իշխանություններն ընկերություններից մեկի աշխատակցին են վերադարձրել այն 30 հազար եվրոն, որը նա մոռացել էր փողոցում: Իսկ գումարը հայտնաբերել է բրիտանուհի մի զբոսաշրջիկ, որը ժամանել էր Կորֆու կղզու Պալեոկաստրիցա բնակավայր: Այս մասին հաղորդում է RIA-Novosti գործակալությունը` հղում կատարելով հունական ոստիկանությանը:
Կինը հայտնել է, որ գումարով պայուսակը եղել է գետնին: Սակայն նա հայտնաբերածը չի ցանկացել պահել իրեն, այլ հայտնել է ոստիկանություն: Պայուսակում եղել են նաև այլ փաստաթղթեր, այդ թվում՝ բանկային գրքույկներ: Մասնավոր ընկերության աշխատակիցն ասել է, որ այդ գումարը նախատեսված է եղել աշխատավարձերի համար:
