ԱՄՆ-ը հակառուսական պատժամիջոցնեևի հանման հարցը կկապի այն բանի հետ, թե ինչպես կդրսևորի իրեն Ռուսաստանը միջազգային արենայում, մասնավորապես Ուկրաինայում։ Այս մասին հայտարարել է ԱՄՆ փոխնախագահ Մայքլ Փենսը АВС հեռուստաընկերության հետ հարցազրույցում։
Հեռուստահաղորդավարը հետաքրքրվել է, թե Ռուսաստանի դեմ պատժամիջոցները կմնա՞ն ուժի մեջ, քանի դեռ վերջինս խախտում է Ուկրաինայի ինքնիշանությունը։ «Այդ հարցի պատասխանը կստացվի առաջիկա ամիսներին։ Այդ ամենն ուղղակի կախված կլինի նրանից, թե մենք կտեսնե՞ք փոփոխություններ Ռուսաստանի վարքում»,-ասել է Փենսը։
Նա հիշատակել է փոխադարձ հետաքրքրություն ներկայացնող հարցերի վրա աշխատելու հնարավորության մասին։
«Նախագահը հստակ հասկացնել է տվել, որ ներկայիս վարչակազմի գլխավոր առաջնահերթություն է հանդիսանում ԴԱԻՇ ահաբեկչական խմբավորման ջախջախումը։ Ռուսաստանը նույնպես հետաքրքրված է արմատական իսլամական ահաբեկչության, հատկապես ԴԱԻՇ-ի դեմ պայքարով։ Եվ եթե մենք ունենք հնարավորություն համագործակցության համար, ես կարծում եմ՝ նախագահը կուսումնասիրի հարաբերությունների վերսկսման հեռանկարները»,-ասել է Փենսը։
