ՄԱԿ-ը պետք է հստակ միջոցներ ձեռնարկի Սիրիայում տեղի ունեցող իրադարձությունների դեմ: Ինչպես հաղորդում է ITAR-TASS-ը, այս մասին հայտարարել է Թուրքիայի նախագահ Աբդուլլահ Գյուլը:
«Բառեր չեն մնացել նկարագրելու համար այն, ինչ այժմ կատարվում է Սիրիայում: Այժմ Սիրիայի Արաբական Հանրապետությունում են ՄԱԿ-ի փորձագետները: Նրանք առանց որևէ դժվարության պետք է տվյալներ հավաքեն տեղի ունեցածի վերաբերյալ և ներկայացնեն դրանք աշխարհին»,- ասել է Գյուլը:
Թուրքիայի նախագահը Սիրիայում քիմիական զենքի օգտագործումը որակել է որպես մարդկության դեմ հանցագործություն:
Նրա խոսքով՝ ՄԱԿ-ի Անվտանգության խորհրդում տեղի ունեցող դիվանագիտական մանևրների, ինչպես նաև լուծման ձգձգման գինը շատ բարձր կլինի, ինչը կխարխլի ՄԱԿ-ի համակարգը:
