«Առաջին լրատվական»-ի զրուցակիցն է ԱԺ ՀՀԿ խմբակցության պատգամավոր Խոսրով Հարությունյանը:
-ՀՀ-ում ԱՄՆ դեսպանը և ԵՄ դեսպանը խոսեցին Հայաստանում կոռուպցիայի դեմ պայքարից, նրանք նշեցին, որ դրա համար քաղաքական կամք է պետք: Ինչպե՞ս եք գնահատում նրանց այս հայտարարությունները: Արդյո՞ք նրանց հայտարարություններում կոշտ հռետորաբանություն չնկատեցիք: Մասնավորապես մենք տեսնում ենք, թե ինչպես այս օրերին կարճվեց ԴԱՀԿ նախկին պետ Միհրան Պողոսյանի գործը՝ կապված օվշորային սկնդալի հետ: Դուք այդ առումով մտահոգություն չունե՞ք, որ իսկապես բավարար քայլեր չեն կատարվում Հայաստանում կոռուպցիայի դեմ պայքարում:
-Շատ լավ է, որ թե՛ ԵՄ ներկայացուցիչը, թե՛ ԱՄՆ դեսպանն անդրադառնում են այդ խնդրին, ես դա օգտակար եմ համարում: Նույնիսկ եթե այդ հարցադրման մեջ կան ծայրահեղ ձևակերպումներ, դրանք ևս օգտակար են: Այո՛, ԱՄՆ դեսպանը մեկ-երկու կոշտ ձևակերպումներ տվեց, բայց միաժամանակ Եվրահանձնաժողովի հայաստանյան գրասենյակի ներկայացուցիչն ասաց, որ այդուհանդերձ այս աշխատանքերը պահանջում են ավելի մեծ ուշադրություն:
-Նրանք քաղաքական կամքի մասին խոսեցին:
-Ես այն կարծիքին չեմ, որ Հայաստանում ոչ մի բան այդ ուղղությամբ արված չէ: Այն կարծիքին չեմ, որ մեզանում կոռուպցիոն ռիսկերը որոշ ոլորտներում նվազեցնելու կամ իսպառ վերացնելու ուղղությամբ քայլեր չեն արվել: Բերեմ մի քանի որոշումների օրինակներ, որոնք էական նշանակություն ունեն, և դրանց մասին խոում են քաղաքացիական հասարակության սեկտորի ներկայացուցիչները: Օրինակ՝ հարկային վարչարարության ոլորտում այն նորամուծությունները՝ էլեկտրոնային հաշվետվությունը և այլն, որոնք բերում են հարկային տեսուչ – հարկատու շփումների բացառմանը: Արդյոք սա քայլ չէ՞ կոռուպցիոն ռիսկերի նվազեցման ուղղությամբ. անշուշտ: Կրթության, առողջապահության և այլ ոլորտներում ասել, որ ոչինչ արված չէ, ճիշտ չէ:
-Բավարար չեն այդ քայլերը:
-Այլ հարց է, որ անելիքներ ունենք: Արդյո՞ք աելիքները հրատապ կարգավորումներ են պահանջում, ես կասեի՝ այո:
Հարցազրույցն ամբողջությամբ՝ տեսանյութում:
