Գերմանիայի արտգործնախարար Զիգմար Գաբրիելը մտադիր է ամերիկյան կողմի հետ քննարկել Ուկրաինայի արևելքի իրադրությունը, չորեքշաբթի ճեպազրույցի ժամանակ հայտարարել է Գերմանիայի ԱԳՆ հատուկ ներկայացուցիչ Մարտին Շեֆերը, հայտնում է RIA Novosti-ին:
Ավելի վաղ Գերմանիայի կառավարության հատուկ ներկայացուցիչ Շտեֆեն Զայբերտը ճեպազրույցում քննարկել էր Ադվեևկայի շրջանում հակամարտության հերթական սրումը և պահանջել անմիջապես հումանիտար դադար մտցնել տեղի քաղաքացիական բնակչությանը օգնելու համար:
Ավելի վաղ աշխարհազորը և ուկրաինական ուժայինները հայտարարել էին Դոնբասում իրադրության սրման մասին: Ուկրաինայի իշխանությունները արտակարգ դրություն են հայտարարել ուժայինների կողմից վերահսկվող Ադվեևկայում, որը հանդիսանում է Դոնեցկի արվարձան, քանի որ բնակիչները մնացել են առանց ջրի, ջեռուցման և հոսանքի:
ԵԱՀԿ առաքելության տվյալներով` ծանր իրադրություն է ստեղծվել նաև աշխարհազորի կողմից վերահսկվող Յասինովատոյում, որը նույնպես գտնվում է Դոնիցկի մոտ:
