Հարավային Կորեայի Ազգային ժողովի փորձագիտական խումբը եկել է եզրակացության, որ ՄԱԿ-ի նախկին գլխավոր քարտուղար Պան Գի Մունը կարող է բարձր պետական պաշտոն զբաղեցնել՝ չնայած այն բանին, որ համաշխարհային կազմակերպության Գլխավոր ասամբլեայի բանաձևերից մեկը խորհուրդ է տալիս նման բան չանել։ Այս մասին հայտնում է «Ռենհապ» գործակալությունը։
Նշվում է, որ խորհրդարանի Հետաքննությունների ծառայությունն ուսումնասիրվել է Գլխավոր ասամբլեայի՝ 1946 թվականից գործող բանաձևը, որը որպես փաստարկ կիրառում են Պան Գի Մունի հնարավոր առաջադրման հակառակորդները։ Փորձագետները նշում են, որ բանաձևը պարզապես խորհուրդ է տալիս պետական բարձր պաշտոններ չզբաղեցնել, սակայն չի արգելում։
Փորձագետները նշել են, որ դեռևս չեն եղել դեպքեր, երբ այլ երկրներից ՄԱԿ-ի նախկին ղեկավարները կառավարական պաշտոններ զբաղեցնեն կազմակերպությունից հեռանալուց հետո։
Պան Գի Մունը վերջերս Նյու Յորքից հայրենիք էր վերադարձել ՄԱԿ-ի գլխավոր քարտուղարի պաշտոնում 10-ամյա աշխատանքից հետո։ Եվ քանի որ դեկտեմբերի 9-ին երկրի խորհրդարանը իմփիչմենթ էր հայտարարել նախագահ Պակ Կին Հեին՝ խոշոր կոռուպցիոն սկանդալի պատճառով, Պան Գի Մունին սկսել էին անվանել նախագահի պաշտոնի հավանական թեկնածու։
