ՄԱԿ-ի տեսչական առաքելությունը, որը Սիրիա է ժամանել երկրում քիմիական զենքի կիրառման մասին տվյալները ստուգելու համար, պետք է հնարավորություն ստանա հետաքննելու վերջին հաղորդագրությունները՝ Դամասկոսի մոտ նման տեսակի զենք կիրառելու մասին: Ինչպես հաղորդում է RIA Novosti-ն, այս մասին հայտարարել է Գերմանիայի արտգործնախարար Գվիդո Վեստերվելլեն:
«Քիմիական զենքի հարցերով ՄԱԿ-ի փորձագետները, որոնք այժմ գտնվում են երկրում, պետք է անհապաղ հհասանելիություն ստանան, որպեսզի ստուգեն այդ մեղադրանքները: Քիմիական զենքի հարցով փորձագետների մանդատը պետք է համապատասխանաբար ընդլայնվի»,- ասել է Վեստերվելլեն իր թուրք գործընկեր Ահմեդ Դավութօղլուի հետ համատեղ մամլո ասուլիսում:
Նա նշել է, որ Սիրիայի իշխանությունների հասցեին ուղղված՝ քիմիական զենքի կիրառման մեղադրանքները շատ լուրջ են, և եթե դրանք հաստատվեն, դա հրեշավոր կլինի:
Հիշեցնենք, որ սիրիական ընդդիմության փոխանցմամբ՝ կառավարական զորքերը քիմիական հարձակման են ենթարկել Դամասկոսի Ալ-Ղուտա արվարձանը: Սիրիայի իշխանություններն իրենց հերթին հերքում են այդ տեղեկատվությունը:
