Յուրաքանչյուր երրորդ բրիտանացի զբոսաշրջիկ չի կարող քարտեզի վրա գտնել այն վայրը, որտեղ նա վերջերս հանգստացել է: Այդ մասին հաղորդում է The Daily Telegraph-ը՝ հղում անելով British Airways Holidays-ի հետազոտությանը: Քարտեզի վրա նշված չեն եղել երկրների անունները:
Բրիտանացիները մեծ խնդիրների առաջ են կանգնել, երբ փորձել են գտնել Կիպրոսը: Զբոսաշրջիկների 53%-ը, ովքեր այցելել են այդ հանգստյան տարածաշրջան, այս ամառ դժվարացել են այն ցույց տալ մայրցամաքի քարտեզի վրա: Շատերը ենթադրում են, որ Կիպրոսը ցամաքային Հունաստանի մի մասն է, նշել է թերթը:
Հարցվածների գրեթե կեսը, ովքեր հանգստացել են Թուրքիայում, չեն կարողացել գտնել այն, իսկ ոմանք էլ Թուրքիան շփոթել են Ուկրաինայի հետ:
«Ավելի անհանգստացնող է այն, որ բրիտանացիների 24%-ը չի կարողացել քարտեզի վրա գտնել Իռլանդիան»,- նշվում է ուսումնասիրության մեջ:
