Ավելի վաղ տեղեկացրել էինք, որ բողոքի ալիք բարձրացրած ազատամարտիկները պատրաստվում են շրջել Հայաստանի մարզերով և մարզերում բնակվող ազատամարտիկներին միանալու կոչեր անել։ Նրանք պատրաստվում են մեկնել նաև Լեռնային Ղարաբաղ:
«Առաջին լրատվական»-ի հետ զրույցում պահեստազորի գնդապետ, ազատամարտիկ Վոլոդյա Ավետիսյանն ասաց, որ վաղն իրենք մեկնելու են Վանաձոր, ապա՝ Սյունիքի մարզ:
Վ․ Ավետիսյանը տեղեկացրեց նաև, որ դրանից հետո կորոշեն, թե երբ մեկնել Արցախ:
Հավելենք, որ արդեն տևական ժամանակ հանրահավաքներ, նստացույցեր և նույնիսկ հացադուլ հայտարարած ազատամարտիկները երկու թևի են բաժանվել: Ոմանք ուզում են բարելավել իրենց սոցիալական պայմանները, ոմանք էլ երկրում համակարգային փոփոխություններ են պահանջում:
