Լոս Անջելեսում մեղադրանքներ են ներկայացվել երեքշաբթի ձերբակալված 6 տղամարդու դեմ, որոնց կասկածում են կրեդիտ քարտերի պատճենահանման, տվյալների գողության և դրանք բենզինի առևտրի մեջ կիրրառելու համար: Այս մասին հայտնում է Glendale News-Press-ը:
Էդգար Ալավերդյանին, Լևոն Մկրտչյանին, Կարեն Նազարյանին, Սերոբ Եղյանին, Էդվարդ Մարտիրոսյանին և Էմիլ Մորկուսին առաջադրվել են դավադրության, քարտային տվյալների գողության մեղադրանքներ:
Դեռևս ազատության մեջ են մնում հանցավոր խմբի 3 անդամներ: Հրաչ Քեյոյի, Վաչիկ Բաբայանի և Դավիթ Եզգաթյանի ձերբակալման օրդեր է տրվել:
Ձերբակալությանը նախորդած խուզարկությունների ժամանակ ոստիկանությունն առգրավել էր քարտ պատճենահանող սարքեր, կրեդիտ քարտեր, երկու բեռնատար, որն օգտագործվել է վառելիք պահելու համար, համակարգչային տեխնիկա: Նրանք նաև հայտնաբերել էին 60 հազար դոլար առձեռն գումար:
Բոլոր ձերբակալվածներին, բացառությամբ մեկի, այս շաբաթ ազատ են արձակել կալանքից:
