Apple ընկերությունն աշխատանքի է վերցրել Ջեյ Բլանիկին, որն զբաղվում է ֆիթնեսի սիրահարների համար արտադրանքի մշակմամբ և հայտնի է Nike ընկերության հետ համագործակցությամբ: Այս մասին հայտնում է 9to5Mac բլոգը:
Apple-ի հետ պայմանագիրը Բլանիկը կնքել է օգոստոսի առաջին կեսին: Թե ինչ պաշտոն նա կզբաղեցնի և կոնկերտ ինչ նախագծերի վրա կաշխատի, հայտի չէ: Ենթադրվում է, որ Բլանիկը կմասնակցի ձեռքի «խելացի» ժամացույցների մշակմանը, որոնք ծրագրում է թողարկել Apple-ը:
Nike-ում աշխատելիս նա ներդրում է ունեցվել Nike+FuelBand ապարանջանի ստեղծման գործում, որը նախատեսված է ակտիվ կենսակերպ վարող մարդկանց համար: Ապարանջանը հետևում է օգտատիրոջ ֆիզիկական ակտիվությանն ու ցույց տալիս «այրված» կալորիաների քանակը: FuelBand-ից ստացված տեղեկությունը կարելի է պահպանել համակարգչում, iPhone-ում կամ iPad-ում:
Apple-ի ներկայացուցիչները բազմիցս դրական են արտահայտվել FuelBand-ի մասին: Ապարանջանը վաճառքում էր հայտնվել ամերիկյան, կանադական և բրիտանական Apple Store-ում՝ ընկերության ֆիրմային խանութներում: Ընկերության ղեկավար Թիմ Կուկը բազմիցս երևացել է հանրության առջև՝ FuelBand-ը ձեռքին:
Շշուկներն այն մասին, որ Apple-ը պատրաստվում է ձեռքի ժամացույցներ թողարկել, ԶԼՄ-ներում հայտնվել էին 2013-ի սկզբին: