Մարդու իրավունքների հարցերով ՄԱԿ-ի գերագույն հանձնակատար Նավո Փիլեյը ԱՄՆ-ին և Իսրայելին կոչ է արել որքան հնարավոր է շուտ հստակեցնել Պակիստանում, Եմենում և Գազայի հատվածում անօդաչու թռչող սարքերի կիրառման իրավական հիմքը, հաղորդում է Associated Press-ը:
Օգոստոսի 19-ին կայացած ՄԱԿ-ի Անվտանգության խորհրդի նիստին, որը նվիրված է եղել զինված հակամարտություններում քաղաքացիների պաշտպանությանը, Փիլեյն ասել է, որ օդաչուների հանդեպ գոյություն ունեցող գաղտնիության պրակտիկան թույլ չի տալիս վերահսկել դրանց կիրառումը և զրկում է զոհերին փոխհատուցում ստանալու հնարավորությունից:
«Ես նման գործողություններ իրականացնող պետություններին կոչ եմ անում հստակեցնել անօդաչու սարքերի կիրառման իրավական հիմքը և երաշխիքներ ապահովել միջազգային իրավունքի նորմերի պահպանման համար»,- ասել է գերագույն հանձնակատարը:
ԱՄՆ-ը լայնորեն կիրառում է անօդաչու սարքեր Աֆղանստանում և Մերձավոր Արևելքի երկրներում՝ ենթադրյալ գրոհային իսլամիստներին ոչնչացնելու համար:
