Կանադայում հետաքննություն է սկսվել վարչապետ Ջասթին Թրյուդոյի դեմ՝ շահերի հակամարության մասին օրենքի հնարավոր խախտման պատճառով։ Դա կապված է ամանորյա արձակուրդներին Բահամյան արշիպելագի մասնավոր կղզի նրա այցի հետ։
Ուղևորության հետ կապված հետաքննության մեկնարկի մասին հայտարարել է էթիկայի և շահերի բախման հարցերով կանադացի կոմիսար Մերի Դոուսենը։
Սա առաջին նման հետաքննությունն է երկրում գործող վարչապետի նկատմամբ։
Թրյուդոն արձակուրդները ընտանիքի և իր գլխավորած Լիբերալ կուսակցության որոշ անդամների հետ անցկացրել է Բել արևադարձային կղզում, որը պատկանում է մուսուլման իմամ, միլիոնատեր Քարիմ Ագա Խանին։ Նա հանդիսանում է Թյուդոյի ընտանիքի բարեկամը։
Անցած շաբաթ Թրյուդոն խոստովանել էր, որ կղզի է հասել մասնավոր ուղղաթիռով, որը պատկանել է իմամին։
Իշխանությունները մտավախություն ունեն, որ իմամը կարող է խթանել իր շահերը Կանադայի կառավարությունում։
Նշվում է, որ վարչապետի դեմ հետաքննությունը սկսվել է ընդդիմության դժգոհության ալիքի ֆոնին։
