Մեքսիկայի Չիուաու նահանգում սպանվել է թմրաառևտրով և սպանություններով զբաղվող «Լա Լինեա» հանցավոր խմբավորման առանջորդ Կանտոն Լոպեսը, որը հայտնի է «Դոկտոր» մականունով:
Ոստիկանությունում անանուն զանգ էր ստացվել Խիմենես քաղաքի փողոցներից մեկում մարդու սպանության մասին: Դեպքի վայր ժամանած ոստիկանները հայտնաբերել էին ավտոմեքենա, որում գտնվել է «Դոկտորի» դին: Նրան կրակել էին ինքնաձիգից, հայտնում է RIA Novosti-ն:
Իշխանությունները կարծում են, որ նարկոբարոնը զոհվել է ԱՄՆ թմրանյութերի մատակարարման վերահսկողության համար պայքարում հակառակորդ խմբավորումների հետ հարաբերություններ պարզելու հետևանքով:






































