Իտալական ծագում ունեցող ամերիկացի դերասան Ռոբերտ դե Նիրոն այսօր տոնում է իր 70 ամյակը: Պետք է նշել, որ 50 տարի առաջ տեղի է ունեցել դերասանի մուտքը կինո:
Դե Նիրոն կինո առաջին անգամ մուտք է գործել 1963-ին՝ Բրայան դե Պալմայի՝ «Հարսանեկան երեկույթ» կատակերգությունում խաղալով փեսացուի ընկերներից մեկի դերը:
Դերասանի առաջին լուրջ հաջողությունը 1973-ին էր՝ Մարտին Սկորսեզեի «Չար փողոցներ» ֆիլմում: Ջոնի Բոյի դերի համար դերասանն ԱՄՆ կինոքննադատների ազգային խորհրդի կողմից ստացել է «երկրորդ պլանի լավագույն դերի» համար մրցանակը:
Դրանից հետո հայտնի ռեժիսոր Ֆրենսիս Ֆորդ Կոպոլան հրավիրում է նրան «Կնքահայրը» ֆիլմում մարմնավորելու երիտասարդ Վիտո դե Կոռլեոնեին, որի համար շուտով Դե Նիրոն «Օսկար» է ստանում «երկրորդ պլանի լավագույն դերասան» անվանակարգում:
Այս ֆիլմից հետ Դե Նիրոյին նկարահանվելու են հրավիրում Հոլիվուդի լավագույն ռեժիսորները, և փառքն ու հռչակը դառնում են դերասանի մշտական ուղեկիցները:
Դերասանի անձնական կյանքը ևս հաջողված կարելի է համարել: Նա ունի 6 երեխա. որդին՝ Ռաֆայելը, որդեգիր դուստրը՝ Դայան Էբոթի հետ առաջին ամուսնությունից, Թուքի Սմիթի հետ քաղաքացիական ամուսնությունից ծնված երկվորյակ տղաները և բորտուղեկցորդուհի Գրեյ Հաթաուերի հետ ամուսնությունից՝ դուստրն ու որդին: Պետք է նշել, որ վերջին անգամ դերասանը հայր է դարձել 2 տարի առաջ, հաղորդում է Sotry.com-ը:
