Shamshyan.com-ը, հղում անելով ռուսական PrimeCrime գործակալությանը հայտնում է, որ երեկ Թուրքիայում աննախադեպ միջադեպ է տեղի ունեցել, որը գողական աշխարհում կարող է բեկում առաջացնել:
Տեղեկությունների համաձայն երեկ առավոտյան Ստամուլի հյուրանոցներից մեկում, որտեղ մեկ օր առաջ տեղի ունեցած «թագադրումից» հետո հանգստանում էին Դեդ Հասանի կլանի մի քանի հեղինակավոր անդամներ, նրանց են այցելել վրացի քրեական մի քանի հեղինակություններ: Նրանց մեջ էին հայտնի «օրենքով գողեր» Վաժան, Կոկան, Ռեզո Լորտկիպանիձեն, Գոգիտան, Ռամազ Ջինչարաձեն, Իրակլի Գուտան, Կախի Պարպալիան և այլոք: Հյուրանոցի այցելուների մի մասն այդ պահին եղել է համարներում, իսկ մնացածները՝ հյուրանոցի սրճարանում:
Սեղաններից մեկի շուրջ նստած են եղել Դեդ Հասանի կլանին ներկայացուցիչներ Գուրամը, Գելա Կարդավան, Պաատա Մալենկին, Ռոլանդ Գեգեչկորին, Մամուկա Չկադուան և Մացիկը: Անսպասելիորեն նրանց են մոտեցել հայազգի «օրենքով գողեր» Էդիկ (Էդիկ Թբիլիսկի) և Սերգեյ Ասատրյաները, Տախին, Ռովշանը, Գուրամը: Նրանցից յուրաքանչյուրն ինչ-որ բան ուներ ասելու Գելային, իսկ վերջին երեք հոգին՝ ոչ միայն ասելու:
Սկզբում Էդիկը բացահայտ հեգնանքով հարցրել է Գելային, թե նա «այս անգամ իր իրերից ի՞նչ է թողնելու՝ որպես գրավ՝ աննկատ փախչելու համար»։ Այնուհետ խոսակցությանը միջամտել է Տախին և ամենայն լրջությամբ Գելայից պահանջել ներկաների մոտ կրկնել, թե ով է «ոչ գող» և «քիլլեր»։ Անճար Գելան սկսել է արդարանալ` ասելով, թե ինչ-որ մեկը խառնակչություն է անում՝ իր հարաբերությունները «օրենքով գողերի» հետ փչացնելու նպատակով։ Ավելին՝ որպես գլխավոր խառնակիչ, Գելան ներկայացրել է այդ պահին բացակա Միրոնին և նրան մեղադրել ամենածանր մեղքերի մեջ և անգամ կարծիք հայտնել, որ վերջինս իրականում պետական անվտանգության աշխատակից է, ով նույնիսկ մայորի կոչում ունի:
Մանրամասները՝ shamshyan.com-ում
