«Դեռևս կոմունիստական հոգեբանությունը մնացել է, շատ-շատ ղեկավարներ դեռևս թվեր են նկարում, դա հինադություն է, որ ուզում են թվեր նկարելով ցույց տալ, որ մեկը մյուսից լավ են աշխատում»,- «Առաջին լրատվական»- ի հետ զրույցում ասաց Հայաստանի ագրարագյուղացիական միավորման նախագահ Հրաչ Բերբերյանը:
Նրա դիտարկմամբ՝ եթե ուզում ենք գյուղատնտեսության ոլորտում հաջողություններ ունենալ, պետք է հստակ պատկերացնենք գյուղի վիճակը: «Մինչդեռ վիճակագրական վարչությունն այսօր տպում է 2014թ-ի արդեն հայտարարած ստույգ թվերը, մոնիթորինգ է անցկացվել, և այդ թվերը չեն համապատասխանում գյուղատնտեսության նախարարության նույն թվականի տվյալներին, բազմիցս ասել ենք, որ 2014թ-ի թվերը նկարել էին: Ըստ այդ տվյալների՝ հացի բերքատվությունը մեզ մոտ արդեն Կանադայից անցել է. սա պաշտոնի հիվանդություն է՝ ես լավ եմ աշխատում և իմ թվերը պետք է գեղեցիկ լինեն» -նշեց Հ. Բերբերյանը՝ հավելելով, որ սուտ թվերը երբեք լավ բանի չեն հանգեցնի, պետք է ստուգել հայտարարաված թվերը և եթե իրականությանը չեն համապատասխանում, ապա պատասխանատվության պետք է ենթարկել, պատժել:
Հ. Բերբերյանի խոսքով՝ նախկինում լավագույն ղեկվարներին ուղարկում էին գյուղ, իսկ այսօր գյուղացու աշխատանքը չի գնահատվում:
Անդրադառնալով դիտարկմանը, որ արտահանման կրկնակի աճի մասին է խոսվում, Հ. Բերբերյանը նշեց, որ լուրջ ուսումնասիրություններ պետք է իրականացվեն. «Ես էլ եմ մտահոգված, շատերին ձեռնտու են այդ հաշվարկները»:
Հ. Բերբերյանի կարծիքով՝ ջերմոցային տնտեսությունները շատ կարևոր են ՀՀ գյուղատնտեսության զարգացման համար, իսկ արտահանման առումով կարող ենք Վրաստանի հետ աշխատել:
Մանրամասները՝ տեսանյութում:
