«Ինչպե՞ս կարող է ոգին առարկա դառնալ. «Հոգևոր Հայաստան»-ի խնդիրը անընդհատ զանգերը հնչեցնելն է, ամեն մի թերացման և կարգի հրավիրելու համար մենք պետք է զանգակատնից զանգերը խփենք, որ սա սխալ է և այլ ճանապարհով պետք է գնալ. այս առաքելություն է ստանձնել «Հոգևոր Հայաստանը»,- «Առաջին լրատվական»- ի հետ զրույցում ասաց երաժիշտ Եղիշե Պետրոսյանը՝ հավաստիացնելով, որ «Հոգևոր Հայաստան» նախաձեռնությունը կսատարի իր ընկերներին ընտրությունների ժամանակ, սակայն որևէ պահի չի կուսակցականացվի:
Գնահատելով նախկին պաշտոնյաների, քաղաքական գործիչների վերադարձը քաղաքականություն՝ Ե. Պետրոսյանը նշեց. «Եթե մարդը մեկ-երկու սխալներ է թույլ տալիս, դա այլ բան է, բայց եթե բովանդակային կյանք է անցնում սխալների ամբողջ ճանապարհով, դա անընդունելի է, չպետք է կարծել, թե ժողովուրդն անուղեղ է կամ հիշողության կորուստ ունի: Խոսքս վերաբերում է այն քաղաքական գործիչներին, ովքեր փորձում են կենդանության նշաններ ցույց տալ, ոմանք էլ կազուսային հայտարարություններ են անում. բայց ո՞վ է նրանց հրավիրել, որ գան հին սազը նվագեն: Խոսքս մասնավորապես Լևոն Տեր-Պետրոսյանին է վերաբերում, ով ասում է՝ «եթե մեր ձագերին չտանք, մեր բանը բուրդ է», ի՞նչ ենք ուզում անել, ժողովրդին վերջին հույսի՞ց կտրել:
«Եթե ինձ փողոցում 10 հոգի հայհոյեն, ես գետինը կմտնեմ… ո՞նց կարելի է, ամբոխները վեր կենան, ասեն՝ ոչ, բայց զոռով- շառով էլի ուզում են մնալ: Հերիք է, ինչ վերցրել եք, վերցրեք գնացեք, թողեք ինչ-որ լավ բան անենք մեր ազգի համար»,- դիմելով իշխանությանն ասաց Ե. Պետրոսյանը՝ ընդգծելով, որ մեր կյանքում ինչ-որ բեկում կլինի, եթե ժողովրդի զգալի մասը դարձի գա:
Մանրամասները՝ տեսանյութում:
