Լոռու մազրպետարանին 1650 եվրոյին համարժեք դրամ կհատկացվի Ֆրանկոֆոն Ռեգիոնների Միջազգային Ասոցիացիայի անդամակցության վճարների համար: Այս գումարը կհատկացվի կառավարության պահուստային ֆոնդից:
Լոռու մարզը Ֆրանկոֆոն ռեգիոնների միջազգային ասոցացիայի լիիրավ անդամ է դարձել 2011թ-ի նոյեմբերի 24-ին Բուրկինա Ֆասոյում կայացած ասոցացիայի հերթական նիստի որոշմամբ: Անդամակցությունը նպատակն է ավելի զարգացնել ֆրանսերեն լեզվի դասավանդումը և տարածումը մարզում:
Եվս 2 մլն 55 հազար դրամ կփոխանցվի Միգրացիոն պետական ծառայության հաշվին ապաստան հայցողների և բռնագաղթված անձանց իրավական, սոցիալական պաշտպանությանը ուղղված շարունակական ծրագրերի համար: Այդ գումարը նախատեսվում է ապաստանի և միգրացիայի ոլորտում Հայաստանի Հանրապետության օրենսդրությունը միջազգային (մասնավորապես` Եվրոպական Միության) սկզբունքներին համահունչ դարձնելու գործողությունների ծրագրի մշակման ծրագրային առաջարկը ՄԱԿ ՓԳՀ-ին ներկայացնելու համար: Աշխատանքների ընդհանուր տևողությունը կլինի մինչև 6 ամիս:
Այս երկու հարցերն էլ ներառված են կառավարության օգոստոսի 15-ի նիստի օրակարգում:
