Google-ը հասկացրել է, որ անձնական կյանքի ոչ մի գաղտնիության մասին խոսք լինել չի կարող, եթե մարդը կողմնակի ռեսուրսներ է կիրառում, որոնց թվում է հայտնի Gmail փոստային ծառայությունը:
Ընկերությունը նշում է, որ օգտատերը որևէ խելամիտ հիմք չունի ենթադրելու, որ տեղեկությունը, որն ինքը փոխանցում է երրորդ ձեռքի օգնությամբ, գաղտնի կմնա: Մինչ հասցեատիրոջ փոստարկղ հասնելը հաղորդագրությունը մշակվում է պրովայդերի կողմից: Այս մասին հայտնում է CNews-ը:
Այսպիսի տեղեկություններ են պարունակվում փաստաթղթում, որն այս տարվա հուլիսին ՏՏ հսկայի իրավաբաններն ուղարկել են Կալիֆոռնիայի Հյուսիսային շրջանի դատարան: Այն հասանելի է դարձել միայն հիմա:
Google-ում կարծում են, որ դատավոր Լյուսի Կոն կլսի փաստարկները և կդադարեցնի բողոքի ուսումնասիրումը, որն ընկերության դեմ ներկայացրել են նրա օգտատերերը:
