Ռուս կոմպոզիտոր Իգոր Կրուտոյը չի թաքցնում այն փաստը, որ իր և Ալլա Պուգաչովայի հարաբերությունները սառել են:
Դա տեղի է ունեցել այն պատճառով, որ Ալլա Բորիսովնան չի համաձայնել «մուսա» լինել Կրուտոյի «Նոր ալիք» փառատոնում: Ավելին՝ երգչուհին կազմակերպել է կատարողների սեփական մրցույթը՝ Crimea music fest-ը, որը տեղի է ունեցել Յալթայում: Այս մասին հաղորդում է Telegraph-ը:
Կրուտոյի խոսքերով՝ Պուգաչովան ճիշտ չի վարվել. «Չի կարելի լինել մի երաժշտական փառատոնի խորհրդանիշ, հետո ստեղծել դրա նման ևս մեկը: Եթե ես նման մտքերով առաջնորդվեի, ապա հեշտությամբ կարող էի ստեղծել, օրինակ՝ «Ծննդյան հանդիպումներ-2»»: Սակայն, կոմպոզիտորի կարծիքով, նման արարքը չի համապատասխանի էթիկայի կանոններին:
Կրուտոյի և Պուգաչովայի միջև վեճը շարունակվում է։ Այժմ նրանք միմյանց այլևս չեն զանգահարում և յուրաքանչյուր միջոցառման ժամանակ ձևացնում են՝ իբր իրար չեն նկատում:
