ՀԱԿ խմբակցության անդամ Հրանտ Բագրատյանն Այսօր ԱԺ արտահերթ նիստում «Զինծառայողների և նրանց ընտանիքների անդամների սոցիալական ապահովության մասին» Հայաստանի Հանրապետության օրենքում լրացումներ և փոփոխություն կատարելու մասին օրենքի նախագծի քննարկման ժամանակ իր ելույթում, դիմելով իշխանության ներկայացուցիչներին, նշեց, որ սա սխալ օրենք է, դիսկրետ մտածողություն է:
«Դուք ինձ սովորեցնում եք՝ ինչ բան է ազգային միաբանությո՞ւն, մարդու, որը տեսել է պատերազմի ամենադաժան տարին՝ 93թ. և գնացել է հարյուրավոր զինվորների թաղման արարողություններին: Դուք դրա իրավունքը չունեք…
Դուք՝ ԱԺ մեծամասնություն, սխալ եք, ես եմ այս պարագայում ճիշտ՝ պետք է պատկերացնել երևույթը ամբողջության մեջ ու լուծել: Պետք է մտցնենք պետական ապահովագրություն զինվորների կյանքի համար. մենք սկսում ենք սիրել մահացած զինվորներին, դա վտանգավոր է, դիսկրետ մտածողություն է, չի կարելի»:
Մանրամասները՝ տեսանյութում:
