ԱԺ-ում «Պահեստազորային պատրաստության համակարգի կատարելագործումը» թեմայով խորհրդարանական լսումների ժամանակ ՀՀԿ խմբակցության պատգամավոր Առաքել Մովսիսյանը բարձրաձայնեց ծառայության հարցում անարդարության խնդիրը:
Նա մտահոգություն արտահայտեց՝ արդյո՞ք սահման մեկնող ուսանող բժիշկները ի վիճակի են ծառայություն մատուցել, որ «աչքի տեղը ունքն էլ չհանեն». «Պայմանագրային կոչեցյալը, որ էդքան սովորել ա, բանակ գնալու փոխարեն խուսափել ա, այ էդ պայմանագրայինը գնալու ա երկու տարի շարքային ծառայի՞, իսկ աշխատելո՞ւ ա, գլուխ չի պահի՞, ինձ թվում ա պիտի խիստ դնենք սա»,- նշեց Առաքել Մովսիսյանը:
Արա Նազարյանը պատասխանեց, որ նախագծով սպայական կոչումը զորակոչիկին կշնորհվի միայն ինտերնատուրան ավարտելուց հետո, իսկ եթե ուսանողը ձախողի քննությունը, ապա կզորակոչվի որպես շարքային։
Առաքել Մովսիսյանն ընդգծեց, որ որեւէ մեկի նկատմամբ զիջում չպետք է լինի. «Որովհետև էսօր դրսերից խոսակցությունը դա ա, մենք էլ պատասխան չենք կարողանում տանք ոչ մեկին: Ինչի՞ մեկնակ քյասիբի էրեխեքը… Մենք պիտի օրինակ ծառայենք: Թող մեծահարուստի երեխեքն էլ ծառայեն, որ հավասար լինի բոլորի համար, որովհետև դրսերից վրա են տալիս, թե ինչի՞ մենակ մեր երեխեքը պիտի ծառայեն»:
Մանրամասները՝ տեսանյութում:
