Գերմանական դիվանագիտական անձնագրերի տերերը մանրակրկիտ զննության են ենթարկվում Ստամբուլի Աթաթուրքի անվան միջազգային օդանավակայանի հսկիչ կետերում։ Դա դարձել է պատասխան միջոցառում Քյոլնի օդանավակայանում Թուրքիայի խորհրդարանի փոխխոսնակի հանդեպ վերաբերմունքին։ Այս մասին հայտնում է Anadolu գործակալությունը։
Դիվանագիտական անձնագրեր ունեցող գերմանացիների հանդեպ առանձնահատուկ ընթացակարգը կիրառվում է դեկտեմբերի 7-ի երեկոյան ժամերից։ Մուտքն ու ելքը թույլատրվում է միայն Թուրքիա այցի պատճառների մանրակրկիտ ուսումնասիրությունից հետո։
Հաղորդվում է, որ երեկ դիվանագիտական անձնագրերով Գերմանիայի 4 քաղաքացիներ ուշացել են իրենց չվերթներից հսկիչ կետերում ձգձգումների պատճառով։
