Վրացական GHN լրատվական գործակալության փոխանցմամբ, «Դեմոկրատական շարժման» առաջնորդ Նինո Բուրջանաձեն հայտարարել է, որ վրաց բանակը հրաժարվել է ձեռք բարձրացնել ժողովրդի վրա.
«Ես ոչ մի վայրկյան չեմ կասկածել դրանում: Մեր զինվորները ձեռք չեն բարձրացնի իրենց մայրերի, հայրերի, եղբայրների ու քույրերի վրա: Մենք հասել ենք նրան, որ մեր բանակը կգործի խաղաղ և օրենքի շրջանակներում: Մենք կամաց-կամաց կհասնենք նրան, որ վերականգնվի մեր ազգի խաթարված հեղինակությունը»:
Փաստորեն, Բուրջանաձեն սիրաշահում է բանակին և դրանով ձգտում գրավել իր կողմը: Չպետք է մոռանալ, որ օրեր առաջ վրացական ընդդիմության մեկ այլ առաջնորդ՝ պաշտպանության նախկին նախարար Իրակլի Օքրուաշվիլին Փարիզից բանակին կոչ էր արել անցնել ընդդիմության կողմը` ընդգծելով, որ 2008 թվականի ռուս-վրացական պատերազմից հետո Սաակաշվիլին մեծապես սկսել է ատել վրաց զինվորականներին: