«Հայ ազգային կոնգրեսի վերջին հանրահավաքն ամենամեծն էր մեր աշնանային հանրահավաքային շարքում»,- նոյեմբերի 9-ի հանրահավաքը նկատի ունենալով՝ նշեց ՀԱԿ համակարգող Լևոն Զուրաբյանը: Պատճառը, ըստ նրա, ծանրացող սոցիալական վիճակն է, վերջին շրջանի կրիմինալ բացահայտումները, ինչպես նաև ՀԱԿ-ի արդյունավետ աշխատանքը:
Անդրադառնալով «ԲՀԿ» խմբակցության անդամ Վարդան Բոստանջյանի այն հայտարարությանը, թե իրենք գալիք խորհրդարանական ընտրություններում 99,9 տոկոս ձայներ են հավաքելու՝ Զուրաբյանն ասաց. «Այսպես որ շարունակվի, 101 տոկոս էլ կուզեն: Մի երկրում, որտեղ ընտրատարածքներում 101 տոկոսանոց մասնակցություն են գրում, շատ հնարավոր է, որ ԲՀԿ-ն էլ 102 տոկոս հավաքի»։
Ինչ վերաբերում է ՀՀԿ-ԲՀԿ հակասություններին՝ ՀԱԿ համակարգողը ասաց. «Մենք խոսում ենք մի կոալիցիոն իշխանության մասին, որի ներսում գզվռտոցներ կան, և դրանք լինելու են, քանի դեռ կա իշխանությունը կորցնելու վտանգ»: