«Պետությունը ոչ թե լուրջ, այլ շատ լուրջ կազմակերպություն է: Քանի որ նշվեց սողանցքների մասին, դա նշանակում է, որ ինչ-որ մարդիկ սողում են, մեր խնդիրն է օպերատիվ կարգով հայտնաբերել այդ «սողուններին». պետք է նրանց դեմ արդյունավետ պայքար տանել»: ԱԺ-ում Զինվորական ծառայություն անցնելու մասին ՀՀ օրենքում փոփոխություններ կատարելու մասին օրենքի նախագծի քննարկման ժամանակ իր ելույթն այսպես սկսեց ԱԺ ԲՀԿ խմբակցության պատգամավոր Միքայել Մելքումյանը:
ՀՀ պաշտպանության նախարարի տեղակալ Արա Նազարյանն Զինվորական ծառայութուն անցնելու մասին ՀՀ օրենքում փոփոխություններ կատարելու մասին օրենքի նախագծի քննարկման ժամանակ նշել էր, որ բժշկական համալսարանի ռազմական բաժին ընդունվողները, ովքեր հետագայում հրաժարվում են այդ մասնագիտությունից, փոխում են ուղղվածությունը, դրա համար տուգանք են վճարում, որը ամբողջ ուսումնառության ընթացքի համար կազմում է 8 միլիոն 800 հազար դրամ, և այլևս չեն ծառայում:
Միքայել Մելքումյանի դիտարկմամբ՝ տարօրինակ բան է ստացվում. «Փաստորեն 7-8 տարի սովորում են՝ ուսման համար չեն վճարում, պետությունն է վճարում, հետո ինչ-ինչ պատճառներից ելնելով, սողանցները հաշվի առնելով՝ հրաժարվում են ծառայությունից, և ընդամենը փոխհատուցելով՝ վճարելով 7-8 տարվա ուսման վարձավճարը՝ բանակից ազատվում են. սա իսկական կոռուպցիայի պարարտ հող ունեցող ոլորտ է»:
Մանրամասները՝ տեսանյութում:
