Ճապոնական Fujitsu կորպորացիան մշակել է ձեռքի ափի արյունատար անոթների պատկերով մարդուն ճանաչելու տեխնոլոգիա: Այս մասին հայտնում է ITAR-TASS-ը:
Մասնագետները պարզել են, որ արյունատար անոթների նախշերը, որոնք նախապես սկանավորվում են հատուկ ինֆրակարմիր սարքի միջոցով, կարողանում են ձևավորել ծածկագիր: Մարդու ձեռքի ափի հետագա սկանավորումները ցույց կտան նույն ծածկագիրը: Սխալի հնարավորությունն այդ դեպքում 100 հազարի դիմաց մեկ դեպք է:
Նոր տեխնոլոգիան կտա համակարգչային հիշողությունը խնայելու հնարավորություն և կզրկի չարագործներին սարքին խաբելու տարբերակներից:
Fujitsu-ի մշակողների խումբը ծրագրում է տեխնոլոգիան շուկա հանել 2015 թվականին:
