Շրջակա միջավայրի մաքրման ծայրահեղ միջոցների առաջարկներ է պատրաստում Բրիտանիայի Լիբերալ-դեմոկրատական կուսակցությունը: Արդեն 2040 թվականին մոտ երկրի ճանապարհներին բենզինով և դիզելով աշխատող մեքենաներ չեն մնա. դրանք իրենց տեղը կզիջեն հիբրիդներին և էլեկտրամոբիլներին:
Օրինագիծը կուսակցության ներսում դեռ քննարկման փուլում է գտնվում, սակայն եթե այն ընդունվի, լիբերալ-դեմոկրատները կհետևեն դրա իրականացմանը: Ծրագրի համաձայն՝ մոտակա 30 տարիներին սովորական ավտոմեքենաները կփոխարինվեն նվազագույն վնասակար արտանետումներով ավտոմեքենաներով։ Այս մասին տեղեկացնում է բրիտանական AutoExpress-ը: Ներքին այրման շարժիչով միայն բեռնատարները կաշխատեն: Փորձագետները, սակայն, նշում են, որ մթնոլորտն առավելագույնս աղտոտում են հենց բեռնատարները:
Ըստ ծրագրի՝ լիարժեք արգելքին կնպաստի հարկերի ներմուծումը, որը վարորդը ստիպված կլինի վճարել ամեն անգամ երթևեկելուց առաջ: Ստացված միջոցներով կուսակցությունը նախատեսում է հիբրիդային ավտոմեքենաներ և էկետրամոբիլներ գնել:
