Google-ի օպերացիոն համակարգի վերջին տարբերակը հետևում է օգտատիրոջ գտնվելու վայրին նույնիսկ այն ժամանակ, երբ նրա սմարթֆոնը միացված չէ Wi-Fi-ին, գրում է The Daily Mail-ը:
Հարևան ինտերնետ-ցանցերը «գտնելով»՝ սարքավորմանը հայտնի է դառնում, թե որտեղ է օգտագործողը, և այս ֆունկցիայով այն կարող է փոխարինել GPS-ին:
Այսպիսով, նույնիսկ եթե սարքի տերը ցանկանում է թաքցնել իր գտնվելու վայրը, օպրացիոն համակարգը ամեն դեպքում կստանա տեղեկատվությունը, և այն հնարավոր կլինի օգտագործել ցանկացած հավելվածում: Այս տեխնոլոգիայի նպատակն այն է, որպեսզի սմարթֆոնի օգտագործողին հնարավորություն տրվի տնտեսել մարտկոցի լիցքավորումը. անջատված Wi-Fi-ի ժամանակ սարքն ավելի դանդաղ է լիցքաթափվում: Դրանից բացի, սարքավորման տերը չպետք է տուժի GPS-ից օգտվելու հնարավորություն չունենալու պատճառով:
