Ներքնազգեստի հանրահայտ Victoria’s Secret ապրանքանիշի նախկին մոդել Քայլի Բիսուտին թողարկել է Աստծուց ոգեշնչված հագուստի և աքսեսուարների God Inspired Fashion հավաքածուն:
«God inspired fashion հավաքածուն օգնում է տարածել Աստծո խոսքն ամենուր և թույլ է տալիս քրիստոնյաներին միմյանց հետ կիսվել իրենց հավատով ու Աստծո նկատմամբ սիրով: Դա հենց այն է, ինչ ներկայում պետք է աշխարհին»,- նշել է 23-ամյա Բիսուտին:
Հավաքածուն իր մեջ ներառում է տղամարդկանց, կանանց և երեխաների համար նախատեսված հագուստ: Այս մասին հայտնում է Korrespondent.net-ը:
Նա բրենդը լքել է 2012-ի փետրվարին, երբ ֆոտոսեսիաներից մեկի ժամանակ կրոնական նկատառումներով հրաժարվել է մերկանալ և սեքսուալ դիրքեր ընդունել տղամարդկանց ամսագրի համար:
