Իրկուտսկի ոստիկանությունը հանգստյան օրերին ձերբակալել է ՀՀ 26-ամյա մի քաղաքացու, որը միջազգային հետախուզման մեջ էր գտնվում: Նա Իրկուտսկ էր տեղափոխվել Հայաստանից, քանի որ խուսափում էր զինվորական ծառայությունից:
«Դեռ մի քանի տարի առաջ հայը որոշել էր բանակից փախչելու նպատակով մեկնել Ռուսաստան: Մեր երկրում նա վաղուց է բնակվում, այս տնից այն տուն էր տեղափոխվում: Մեծամասամբ նախընտրում էր թաքնվել գյուղերում` երբեմն այնտեղ զբաղվելով բանջարեղենի և մրգի վաճառքով», – Комсомоьлская правда-ին հաղորդել է Իրկուտսկի ՆԳ բաժնի մամլո ծառայության աշխատակից Դմիտրի Զաբրոդինը:
Հայտնի չէ, թե նա ուր կգնար, եթե ոստիկանները նրան չձերբակալեին: «Ամենուր, բայց ոչ տուն», – իրավապահներին ասել է ձերբակալվածը:
«Նա չէր պատրաստվում վերադառնալ հայրենիք, քանի դեռ չէր լրացել նրա 27-ամյակը: Հայաստանի Հանրապետության օրենքի համաձայն, ինչպես և Ռուսաստանում, երիտասարդներին բանակ են զորակոչում մինչև այդ տարիքը: Սակայն հիմա նա կանգնած է երկընտրանքի առջև. կամ մնալ Ռուսաստանում և դատապարտվել ութ տարվա ազատազրկման, կամ էլ վերդառնալ հայրենիք և ծառայել: Ամենայն հավանականությամբ, նա կընտրի երկրորդ տարբերակը: Ընդ որում, նա իր երկիր ավելի շուտ կվերադառնա, քան ենթադրում է», – ասել է Դմիտրի Զաբրոդինը:
