Մեծ Բրիտանիայի ռազմածովային նավերը կմտնեն Ջիբրալթարի նավահանգիստ՝ չնայած Իսպանիայի հետ հարաբերություններում առաջացած լարվածությանը սահմանի առնչությամբ: Այս մասին հաղորդում է ITAR-TASS-ը՝ վկայակոչելվ տեղի մամուլին:
Նշվում է, որ երկուշաբթի օրը Միջերկրական ծով կուղևորվի թեթև ավիակրի՝ HMS Illustious-ի խմբավորումը՝ 2 հականավային և ևս 6 նավերի աջակցությամբ: Դրանք 4 ամիս «կլողան» և նույնիսկ կայցելեն Մերձավոր Արևելք և Աֆղանստան:
Այդ խմբավորման 3 նավեր այս ամիս կմտնեն Ջիբրալթարի նավահանգիստ: Ռազմածովային ուժերի ղեկավարությունում ընդգծել են, որ տվյալ այցը կդառնա նախապես ծրագրված զորավարժությունների մի մասը և ոչ թե Մադրիդի ու Լոնդոնի միջև տեղի ունեցած դիվանագիտական սկանդալի պատասխան միջոցառում:
