«Հեյֆեր Հայաստան»-ը Եվրամիության աջակցությսւմբ այսօր կազմակերպել էր կլոր սեղան-քննարկում մշակութային ժառանգության վերաբերյալ: Միջոցառումն անցակվեց «Երիտասարդները՝ հանուն տարածաշրջանում փոխադարձ կապի պահպանման և համագործակցության» ծրագրի շրջանակներում:
Վրաստանում, Բուլղարիայում և Թուրքիայում ևս կայանալու են նման քննարկումներ՝ յուրաքանչյուր երկրի ներկայացուցիչ երիտասարդների մասնակցությամբ: Սեպտեմբերին Հայաստանի պատվիրակության անդամ երիտասարդներն այս երկրների ներկայացուցիչների հետ կլոր սեղան-քննարկում կանցկացնեն Վրաստանում՝ համամարդկային մշակութային ժառանգության վերաբերյալ:
Երիտասարդները կլոր սեղան-քննարկման ընթացքում իրենց մտահոգությունները հայտնեցին մշակութային զարգացման, արժեքների պահպանման, մատուցման ու այլ հարցերի վերաբերյալ:
Նրանք քննարկեցին Սևծովյան ավազանի երկրների արժեքների և մշակութային զանազանության թեման և այն, թե ինչը կարող է հիմք հանդիսանալ կայուն համագործակցության և զարգացման համար Եվրոպայում: Ծրագիրը նպատակ ունի նաև նպաստելու այս չորս երկրների երիտասարդների միջև հարաբերությունների զարգացմանը՝ նրանց կրթություն տրամադրելով ԵՄ հիմնական արժեքների վերաբերյալ:
«Երիտասարդները՝ հանուն տարածաշրջանում փոխադարձ կապի պահպանման և համագործակցության» ծրագիրը համաֆինանսավորվում է Եվրոպական միության կողմից՝ «Եվրոպական հարևանության և գործընկերության» միջոցով: Ծրագրի ընդհանուր նպատակը տարածաշրջանում ընդհանուր արժեքների և Եվրոպայի հարուստ մշակութային բազմազանությանը համախոհ և այն գնահատող մշակութային միջավայրի շուրջ համագործակցության և գործընկերության հաստատման աջակցումն է:
Ծրագրին 12 ամիս շարունակ կմասնակցեն գործընկեր երկրների ավելի քան 2300 քաղաքաբնակ և գյուղաբնակ երիտասարդներ:
