Բրիտանական գիտնականները հայտնաբերել են, թե ինչու շատ ավիաուղեւորների դուր չի գալիս օդանավերում մատակարարվող ուտելիքը: Պարզվել է, որ խնդիրն կերակրի մեջ չէ: Խնդիրն աղմուկի մեջ է: Հետազոտությանը մասնակցել է 48 կամավոր: Աչքերը փակ վիճակում լռության եւ աղմուկի պայմաններում նրանց աղի եւ քաղցր ուտելիք են տրամադրել: Պարզվել է, որ որքան ուժեղ է աղմուկը, այնքան կերակուրը թվացել է ավելի անալի կամ պակաս քաղցր, բայց միաժամանակ ավելի կոշտ: Մանչեստրի համալսարանի հետազոտող Էնդի Վուդսը ասել է.«Օդանավերում առաջարկվող ուտելիքի ոչ բավարար համը սովորական է դարձել: Ես վստահ եմ, որ ավիաընկերություններն ամեն ինչ անում են, որպեսզի համեղ ուտելիք առաջարկեն ուղեւորներին: Եվ մենք փորձում էինք պարզել ուղեւորների անբավարարվածության պատճառները: NASA-ն տիեզերագնացներին հատուկ ուժեղ համերով կերակուրով է ապահովում»:
Վուդսի հետազոտությունների արդյունքում պարզվել է, որ աղմուկը մարդուն շեղում է համային զգացողություններից: