Թուրքիայի և կոալիցիայի ռազմաօդային ուժերը անցած մեկ օրում ԴԱԻՇ-ի 28 գրոհայինի են ոչնչացրել Սիրիայի հյուսիսում, ևս 5 գրոհայիններ ոչնչացվել են «Եփրատի վահան» ցամաքային գործողության ընթացքում։ Այս մասին հայտնել են Թուրքիայի Գլխավոր շտաբը՝ փոխանցում է RIA Novosti-ն։
«Թուրքիայի ռազմաօդային ուժերը Սալվա բնակավայրից արևմուտք ավիագործողության ընթացքում ոչնչացրել են 18 գրոհայինի, տրանսպորտային միջոց, 2 շենք և ԴԱԻՇ-ի 2 հրամանատարական կետ։ Ռազմաօդային ուժերը 6 ավիագործողություն են անցկացրել՝ ոչնչացնելով ԴԱԻՇ-ի 10 գրոհայինի, զենիթային մարտկոց, 3 շենք և 1 տրանսպորտային միջոց։ Թուրքիայի զինված ուժերը հրետանային կրակից ոչնչացրել են ԴԱԻՇ-ի 73 թիրախ և սիրիացի քրդերի ինքնապաշտպանական ուժերի 2 թիրախ։ Մարտերի ընթացքում զոհվել է Սիրիայի ազատ բանակի 5 և վիրավորվել 18 մարտիկ։ Ոչնչացվել են ԴԱԻՇ-ի 5 գրոհայիններ»,-ասվում է թուրքական ռազմական գերատեսչության կայքում։
Նշվում է, որ Սիրիայի ազատ բանակի ուժերին հաջողվել է ևս երկու բնակավայր վերահսկողության տակ վերցնել Ալ-Ռաի շրջանում, ընդհանուր առմամբ գործողության սկզբից նրանք Սիրիայի հյուսիսում ազատագրել են 189 բնակավայր և 1530 կմ քառակուսի տարածք։
