Ռուսական RIA Novosti լրատվական գործակալության փոխանցմամբ՝ ԱՄՀ-ը հավանության է արժանացրել Եգիպտոսին օգնության եռամյա ծրագրի շրջանակներում 12 միլիարդ դոլար հատկացնելը։ Այդ մասին նշված է կազմակերպության տարածած հայտարարությունում։
ԱՄՀ-ի գործադիր խորհուրդը Եգիպտոսին վարկավորման ընդլայնված պայմանավորվածության շրջանակներում 12 միլիարդ հատկացնելը հավանության է արժանացրել։ ԱՄՀ-ի ու Եգիպտոսի իշխանություններն այս տարվա օգոստոսին նախնական համաձայնության էին եկել տվյալ թեմայի շուրջ։
Տվյալ միջոցներն ուղղվելու են Եգիպտոսի իշխանությունների կողմից տնտեսական ծրագրի աջակցմանը։ Ակնկալվում է, որ դրանք կօգնեն վերականգնել Եգիպտոսի մակրոտնտեսական կայունությունը և կխթանեն երկրի բազմակողմ աճը։
Բացի այդ, ենթադրվում է, որ վարկային օգնությունը կուղղի արտաքին անհավասարակշռությունը և կվերականգնի երկրի մրցունակությունը, կնվազեցնի նրա բյուջեի դեֆիցիտն ու պետպարտքը, կստեղծի աշխատատեղեր։
