Վրացական Apsny.ge կայքի փոխանցմամբ, «Դեմոկրատական շարժման» առաջնորդ, Վրաստանի խորհրդարանի նախկին խոսնակ Նինո Բուրջանաձեն Հանրային հեռուստատեսության մոտ հավաքվածներին հայտարարել է, որ իրենք մտադիր են հանդիպել ԵՄ երկրների դեսպանների հետ.
«Այսօր Թբիլիսի են ժամանում ԵՄ-ի դեսպանները: «Ժողովրդական հավաքի» և «Վրացական կուսակցության» առաջնորդները կհանդիպեն նրանց հետ ու մանրամասն կիրազեկեն բողոքի ակցիաների պատճառների ու իրենց պլանների մասին:
Ես արդեն հանդիպում եմ ունեցել Վրաստանում Ֆրանսիայի դեսպան էրիկ Ֆուրնիեի հետ և նրան տեղեկատվություն եմ տրամադրել նախորդ երկու օրերին տեղի ունեցած ակցիաների ու դրանց հետ կապված գրանցված միջադեպերի մասին»: