«Առաջին լրատվական»- ի հետ ԱՄՆ նախագահական ընտրությունների շուրջ զրույցում քաղաքագետ Սուրեն Սարգսյանը նշեց, որ Դոնալդ Թրամփի հաղթանակի պատճառները շատ են: «Թրամփի թիմը շատ պրոֆեսիոնալ էր աշխատել այս ամբողջ ընթացքում, ուշադրություն էր դարձրել բոլոր նահանգների վրա, իսկ Հիլարի Քլինթոնի պարագայում կային նահանգներ, որտեղ միշտ դեմոկրատները հաղթել էին, և կարծում էին, որ այս անգամ էլ կհաղթեն, բայց այնպես ստացվեց, որ այդ նահանգներում էլ Դոնալդ Թրամփը հաղթեց:
Քլինթոնի նախընտրական շտաբը պատժվեց, որովհետև չկարողացավ աշխատել այն տեղերում, որոնք Թրամփը կարևորեց և որտեղ նա ներկայացրեց իր ծրագիրը, խոսեց ընտրողների հետ:
Այլ գործոններ շատ կան, պետք է առանձնացնենք նաև այն, որ Դ. Թրամփը համակարգի մարդ չէ, համակարգից դուրս է, դրսից է եկել: ԱՄՆ պատմության մեջ, թերևս, սա բացառիկ դեպք է, երբ որ ԱՄՆ նախագահի պաշտոնում ընտրվում է մի գործիչ, որը երբևէ քաղաքական գործընթացներում չի եղել, պետական պաշտոն չի զբաղեցրել, և նաև ռազմական պաշտոն չի զբաղեցրել: Թրամփը բացառություն էր այդ առումով, նա կարողանում էր ասել այն, ինչ մտածում էր, և ոչ ոք չէր կարող նրան մեղադրել քաղաքական սխալների համար, որովհետև նա քաղաքական սխալներ չէր ունեցել: Իսկ Քլինթոնի դեմ տեսանք, թե ինչ ագրեսիվորեն են խոսում մասնավորապես մեղադրում էին Լբիայի, ԻՊ-ի հարցում և այլն:
Պետք է հաշվի առնենք նաև այն հանգամանքը, որ դեմոկրատներից ԱՄՆ ժողովուրդը որոշակիորեն հոգնել է: Թրամփին դժվար տրվեց այս հաղթանակը»,- նշեց քաղաքագետը
Մանրամասները՝ տեսանյութում:
