Եգիպտական իշխանությունները մտադիր են իշխանությունից հեռացված նախագահ Մուհամմեդ Մուրսիի կողմնակիցներին փոխհամաձայնություն առաջարկել: «Մենք հանդես կգանք մի նախաձեռնությամբ, որով վերջ կդրվի ճգնաժամին, իսկ «Մուսուլման եղբայրները» կդադարեցնեն բողոքի ակցիաները»,- անձը չհրապարակելու պայմանով հայտնել է աղբյուրը:
Եգիպտոսի իշխանությունները մտադիր են նաև շարունակել քաղաքական շարժման բանկային հաշիվների արգելափակումը:
Ավելի վաղ հայտնի էր դարձել, որ արևմտյան և արաբական միջնորդների խումբը բանտում հանդիպել է մահմեդականների առաջնորդների հետ: Տեղեկացվում էր, որ Մուհամմեդ Մուրսիին կարող են ազատ արձակել՝ երկիրն ընդմիշտ լքելու պայմանով:
