Անցած հանգստյան օրերին Ամստերդամում տեղի է ունեցել ամենամյա գեյ-շքերթի եզրափակիչ մասը, որին մասնակցել է մի քանի տասնյակ հազար մարդ: Ավանդաբար, օգոստոսի առաջին կեսին տեղի է ունենում երթ Նիդերլանդների մայրաքաղաքի ջրանցքներով:
Այս տարի Amnesty International միջազգային իրավապաշտպան կազմակերպության հոլանդական մասնաճյուղը անցկացրել էր ակցիա ռուսական իշխանությունների հոմոֆոբ քաղաքականության դեմ: Ակցիայի տասնյակ մասնակիցներ կրել են ռուսական ՕՄՕՆ-ի համազգեստներ, նրանք սուլել են ու ձեռքներին պարզել ցուցանակներ՝ Too gay! և Too pink! գրություններով՝ մատնանշելով շքերթի մյուս մասնակիցներին:
Ակցիայի կազմակերպիչները վստահ են, որ հենց այդ տեսքն ունի Ռուսաստանը ոչ ավանդական սեռական կողմնորոշում ունեցող մասնակիցների համար:
Նշենք, որ Ամստերդամի գեյ-շքերթը ամենահաջողվածներից ու ճանաչվածներից է աշխարհում:
Հունիսի 11-ին ՌԴ Պետդուման ընդունեց միասեռականության քարոզչությունը արգելող օրենք, որը սուր քննադատության արժանացավ իրավապաշտպան կազմակերպությունների և ԼԳՏԲ հանրության կողմից:
