Հարավային Կորեայի կառավարությունը կրկին ԿԺԴՀ իշխանություններին կոչ է արել ընդունել իր առաջարկությունը «ամփոփիչ բանակցություններ» վարելու վերաբերյալ՝ համատեղ արդյունաբերական գոտու՝Քեսոնի աշխատանքների վերսկսման կապակցությամբ: Այս մասին հաղորդում է «Ռենհափ» գործակալությունը:
Հարավային Կորեայի՝ Կորեայի միավորման հարցերով նախարարության ներկայացուցիչ Կիմ Հեն Սոկը կիրակի օրը իր ելույթի ժամանակ նշել է, որ «հարավկորեացի ժողովրդի համբերությունը, որը ցանկանում է անկեղծ հարաբերություններ ունենալ Հյուսիսայի Կորեայի հետ, սպառվում է»:
Այս հայտարարությունն արվել է մեկ շաբաթ անց այն բանից հետո, երբ Հարավային Կորեան Փխենյան է ուղարկել նմանատիպ ևս մեկ առաջարկություն:
«Եթե Հյուսիսային Կորեան իրոք ցանկանում է դադարեցնել Քեսոն արդյունաբերական գոտու բանվորների և գործարարների տանջանքները, եթե տեխնոպարկը փորձաքար է համարում միջկորեական հարաբերությունների համար, այն պետք է լռի և ցույց տա իր մտադրությունը պատասխան հայտարարություններով և գործողություններով»,- ասել է նախարարության ներկայացուցիչը:
